روايه فوق الخيال الفصول من الاول الي الثامن بقلم الكاتبة الجليله
و عاوزة اعرف فيها ايه ...و اتاري العلبة فيها فستان كانت بعتتله صورته و احنا في باريس علشان يجيبهولها ...و هو طبعا مش هيقولها لا ...
لما نزل بقي مصر إجازة ...مكلمنيش و عرفت منها هي أنه وصل ...
لما عرفت كلمته و أنا مضايقة جدا بس هو كلمني بهدوء أوي و قالي أنه جاي يقابل بابا ...أنا كنت طائرة من الفرحة ..و استعديت و اشتريت فستان شيك أوي ...
الزيارة اتكررت بس من غير ما يقولي ...و انا مكنتش موجودة ...و تاني يوم لقيت بابا بيقولي أنه عاوزني يتكلم معايا لوحدنا ...و سألني عن رأيي في عمر ... وطبعا أنا شكرت فيه جامد ...و في الآخر بقوله و انا مبتسمة جدا بس حضرتك بتسأل ليه يا بابا ...
البارت الرابع
عمر عاوز يخطب كارما
أنا اتجمدت في مكاني انا سمعت الجملة دي ...
عمر مين كارما مين .فيه ايه
أنا مش فاهمة حاجة ..
رديت على بابا و أنا شبه دايخة عمر مين يا بابا ..ايه يا كارما هو فيه كام ...أنا حتى مش فاكر اسم والده ايه ..اسمه انجليزى كدا ..مكنتيش عارفة تشوفي لأختك عريس من مصر ..
بابا كان نفسي انتي اللي تتخطبي الأول بس اعمل ايه نصيب ..و أختك كمان متعلقة بيه أوي ...
لا استنى لحظة بقي ..
أنا مين اللي متعلقة بيه ...
بابا أختك يا ستي ...قعد يومين في مصر و علقھا بيه ..و انتي عارفة أختك انا مقدرش احرمها من حاجة هي بتحبها ..
أنا طب و هو
بابا باين عليه بيحبها ...ده اللي فهمته من كلامه ...شاب كويس ..ربنا يسعدهم و يسعدك انتي كمان يا بنتي ..
و نمت و اتغطيت بالبطانية و كأني ھموت من البرد ...معرفش نمت ازاي بس محسيتش بنفسي عبر و كارما بتصحيني ...
كارما ريم ...ريما. ..اصحي يا حبيبتي ...
أنا صحيت ..و مسحت وشي ...ايه ده انا كنت بعيط. ..محسيتش خالص بدموعي لما نزلت ...شكلي مكنتش حسة بحاجة خالص. ..
كارما ريم انتي كنتي بټعيطي ..
كارما بابا قالك أن عمر خطبني منه ...
قمت من مكاني و مش عارفة اقول لها ايه ...حسة ان دماغي واقف عن التفكير ...لقيتني بقولها هو احنا نعرف عمر ده منين عشان نوافق على جوازك منه ..و انتي نفسك تعرفيه منين عشان ....عشان تتعلقي بيه و معرفش ايه ...
أنا محسيتش بنفسي غير و أنا بقول الكلام ده بعلو صوتي لدرجة ان بابا سمعني و هو قاعد في مكتبه تحت ... أنا زودتها في العصبية بس الصراحة انا ارتحت شوية لأني كنت محتاجة اصړخ و اسمع الدنيا كلها صوتي. .
أنا مافيش ...مافيش حاجة ابدا ..
كارما خرجت و راحت اوضتها ..
ماما قربت مني و قالتلي بتزعقي ليه مع أختك ..انتي مش عارفة أن قلبها ضعيف و ميستحملش و لا الزعل و لا الفرح حتى ...
لقيتني بعيط و بقولها طب و انتو قلتوا لعمر الكلام ده ..عرفتوه أنها تعبانة و قلبها تعبان و عايشة بالادوية... ولا عاملينهاله مفاجأة. .
ماما ريم ...بتقولي ايه ...و بتتكلمي عن أختك كدا ليه ..و علي فكرة كارما قالتله كل حاجة ...
أنا والله ... وطلب ايدها بقى جدعنة منه و لا حب ..
ماما بصيتلي من فوق لتحت و كأنها مش عارفة مين اللي بتتكلم ...فعلا انا كنت واحدة تانية خالص ...
ماما مارديتش عليا و خرجت وقفلت الباب.
أنا فضلت اعيط بعدما خرجت ...كنت بعيط بحړقة ..نمت و حضنت المخدة و فضلت اعيط عياط بأنين زي الطفل الصغير .... تقريبا اغمي عليا مش نمت ...
صحيت من النوم عنيا مقفولة. ..
لبست هدومي و نزلت كانوا بيفطروا كلهم بابا و ماما و كارما
