رواية اضيئى عالمي الفصل الاول

ونبعد من هنا
أنا عايزة أرتاح واريح اعصابى بجد 
تنهد حاضر هنسافر 
ڼارا بسعادة بجد يا زين 
زين بجد 
عانقته بسعادة بينما هو أغمض عينيه بتفكير وربما هذا
حل سيريحهم قليلا 
فى اليوم التالى سافر مع ڼارا بعد أن أرسل رسالة لوالدته
يعلمها بسفره فيها!
رواية اضيئى عالمي الفصل العشرون
بعد مرور عامل كامل

كان زين يجلس مع ڼارا فى حديقة فى البلد الذين
يتواجدون فيه حين رأى طفل يلعب مع أمه  
عندها شرد قليلا وتذكر طفله الذى لم يره منذ عام  
أنتبه على يد ڼارا التى وضعت فى يده وتقول بإسترخاء
أد ايه البلد هنا حلوة وجميلة 
أبتسم زين بهدوء معاك حق 
ڼارا بضيق يعنى لازم نرجع بكرة ما نخلينا كمان شوية 
زين مينفعش يا حبيبتى مش نفضل هنا للأبد 
عادوا إلى البيت لحزموا أمتعتهم استعدادا للعودة 
عند راية استيقظت فى الصباح الباكر لتذهب إلى عملها 
رأت طفلها مستيقظ ف ذهبت نحوه بحب حبيب ماما
عامل أي دلوقتى
ضحك الطفل ف وجهها ف حملته وخرجت من الغرفة
قابلت سارة فى الممر المؤدى للسلم صباح الخير 
ابتسمت لها سارة صباح النور 
ثم نظرت إلى عمير حبيب عمتو صباح القمر 
أعطته لها راية وهى تضحك صاحى من بدرى جدا
وهو اللى صحانى أصلا آمال ماما فين
ارتسم الحزن على وجه سارة قاعدة تحت يادوب فطرت
بالعافية 
راية بقلق طب أخدت الدواء
سارة اه اخدته  
وضعت راية يدها على كتف سارة أنا هروح أشوفها 
سارة برجاء ياريت تتكلمي معاها يا راية مينفعش اللى
هى بتعمله فى نفسها ده من ساعة زين ما سافر وهى
مهملة فى صحتها وكل حاجة وأنت شايفة بيكلمها
كل فين وفين ده حتى ميعرفش أنه خطوبتى بكرة 
حاولت راية مواساتها متزعليش يا حبيبتى خير أن شاء الله المهم دلوقتى ركزى فى فرحتك عريسك هيوصل
أمتي
التمعت عيون سارة بالحماس هيوصل النهاردة بالليل
أن شاء الله علشان يلحق يرتاح قبل الخطوبة 
هبطا لأسفل إلى والدة زين التى تجلس فى الصالة
ويبدو على وجهها الهم و الشرود 
أشرق وجهها ما أن رأت عمير حبيبى تعالى  
ذهب إليها بحماس ف قبلته بحب كبير 
راية بإهتمام عاملة ايه يا ماما أخبار صحتك دلوقتى
نظرت لها والدة زين بحزن فى عينيها ولكن حاولت
الإبتسام الحمد لله يا حبيبتى بخير نحمد الله على النعمة 
على بعد زين بس عايزاك تعرفى أنه إحنا جنبك ومش
هنسيبك أبدا 
اقتربت سارة أيضا ايوا يا مرات عمو وبعدين أنت
مش فرحانة بخطوبتى ولا إيه
ضحكت والدة زين بصوت متعب لا فرحانة أوى
يا حبيبتى والله كبرتي وبقيتي عروسة  
نهضت راية طب أنا راحة المستشفى عايزين حاجة
ردوا فى صوت واحد سلامتك مع السلامة 
ذهبت إلى عملها فى المستشفى بينما هما أكملوا التحدث
عن تجهيزات حفل الخطوبة 
مر اليوم طبيعيا كأي يوم حتى جاء اليوم التالى 
كان أمير ينتهى من ارتداء ملابسه للذهاب إلى الخطوبة
حتى ولجت والدته إلى الغرفة 
والدته جهزت يا حبيبى  
أمير ايوا يا ماما و هنزل أجهز العربية 
اقتربت منه والدته وهى تنظر له بحنان مش ناوى
تفرحني بيك أنت كمان و تخطب بقا 
أستدار لها و قبل رأسها ماما متشغليش بالك من
بالموضوع ده دلوقتى أنا مش مستعجل على الجواز
يلا علشان منتأخرش 
ذهب وتركها بينما هى همسات لنفسها بحنق أوعى تكون لسة بتحب راية يا أمير!
يعنى أنا بعد ما أتخلص من راية و اجوزها علشان متتجوزهاش و تعيش حياتك تكون لسة
بتحبها!
بقلم ديانا ماريا 
عاد زين و ڼارا إلى بيتهما 
دلف زين وهو ينظر حولها بإرتياح وأخيرا رجعنا 
جلست ڼارا بتعب على الأريكة ايوا بس ياريتنا فضلنا
هناك شوية كمان 
قال زين أنا هقوم أروح أشوف ماما 
نهضت ڼارا بعصبية هو لازم تروح تشوف مامتك
أول ما تيجى يعنى زين أنا مش عايزك تروح هناك 
نظر لها بحنق يوووه أنا زهقت بقا من العيشة دى 
غادر وتركها تغلى من الڠضب حتى بعد ما بعدتك
عنهم بترجعلهم تانى يا زين  
وصل زين إلى منزله ليجد المنزل مزين بشكل جميل
و هناك جمع من الناس فى الحديقة  
هبط من سيارته وهو ينظر لهم بتعجب 
و راية تقف بجانب هنا وسند فى الطرف الآخر مع أمير
الذى يحمل عمير 
شاهدته والدته ف شهقت بقوة زين!
نظر الجميع له پصدمة وهمست راية وهى تراه أمامها
بعد عام كامل زين!
هونت عليك سنة كاملة من غير ما أشوفك
وتتصل عليا كل فين وفين نسيتني
احتضنها بندم أنا آسف يا أمى آسف أوى حقك عليا 
عانقته وهى تبكى بينما هو مرر بنظره عبر الجميع وتوقف
قليلا عند راية التى أصبحت أجمل 
ثم أبتعد عنها وسأل بإستغراب هو فى هنا إيه
والدة زين بفرح النهاردة خطوبة سارة على زميلها
فى الجامعة 
توسعت عينيه بذهول خطوبة سارة
هتف بإستنكار أمتي وليه محدش قالى
وجهت له نظرات ثاقبة أسكتته أنت اللى بتسأل يا زين
خلينا نتكلم بعدين الناس بتبص علينا 
شعرت راية بالإختناق ولكن تحاملت على نفسها من أجل
سارة 
أثناء الحفل توجه زين لأمير يأخذ إبنه منه  
نظر له ببرود ف أعطاه أمير الطفل بهدوء ولكن ما أن ذهب إلى زين حتى بدأ يبكى  
حاول زين تهدئته بس يا حبيبى أنا بابا  
ولكن استمر الطفل فى البكاء حتى ارتفع صوت صراخه
ف ذهبت راية و أخذته منه بقوة وهو تهدهده 
هدأ الطفل ف ابتعدت راية بعد أن نظرت لزين بحدة
أما عن زين ف قد وقف مكانه بتيه وحيرة حتى أبتعد
إلى ركن جلس فيه وحيدا ينتظر إنتهاء الحفل 
بعد إنتهاء الحفل جلس مع سارة بالداخل يعاتبها ليه
أنا آخر من يعلم يا سارة
نظرت له سارة بهدوء علشان أنت اللى عملت كدة يا زين  
رفع حاجبه بإستغراب أنا
أخذت نفسا عميقا ايوا أنت يا زين من ساعة ما اتجوزت
ڼارا وسيبتنا و أنت بعيد بعيد أوى عننا
بقيت زى الغريب بالضبط تعرف أنا كان نفسى أنت
اللى تكون هنا تقف معايا و خطيبى بيتقدم ليا
و فى فرحى بس أنت كنت بعيد أوى و بدالك بقى
موجود سند و أمير و أبوه أنت حتى لسة عارف بالصدفة
يا زين أنه النهاردة خطوبتى لما جيت محدش كان عارف
يوصلك ومامتك من كتر زعلها على بعدك صحتها بقت
مش تمام  
أنت اللى بعدت بمزاجك يا زين ف متجيش تلومنا على
حاجة صنعتها بايدك متجيش تلومنا على بعد أنت اخترته و على سد أنت بنيته بنفسك بيننا وبينك يا زين 
نهضته وتركته بينما هو جلس يفكر طويلا فى حديثها
وجميع ما حدث الفترة الماضية  
شاهدته راية من بعيد ف فكرت فى أمر ما وصممت
على تنفيذه 
عاد زين إلى منزله و نام بهدوء عندما وجد ڼارا نائمة 
استيقظ بهدوء فى اليوم التالى والتعب والكدر يسيطر
عليه 
بدأ يرتدى ملابسه ليذهب إلى العمل و استيقظت
ڼارا أثناء استعداده 
ڼارا بشبه نوم أنت جيت أمتي يا زين
زين ببرود بالليل امبارح كانت خطوبة سارة بنت عمى 
ڼارا بلامبالاة ماشي خلصنا بقا من حكاية مامتك دى 
تحدث زين بحدة أنا هروح لماما وقت مانا عايز وأشوف أبنى كمان  
ثم تركها و ذهب بينما هى نهضت بسرعة وركضت وراءه 
ڼارا پغضب زين استني 
لحقته على السلم أنت بتقول ايه مش قولت بلاش
راية وابنها وبعدين أنت مطلقتهاش لحد دلوقتى ليه
مش المفروض تطلقها بعد ما ولدت زين أنا بقولك
أهو هطلق راية وإلا أنا هيبقي ليا رد فعل مش هيعجبك 
وضع هاتفه فى جيبه ببرود
و نظر لها بملل أهدى شوية ها 
ثم أستدار ليذهب حينها رن هاتفه  
أخرجه من جيبه ليجده المحامى 
رن بتعجب ايوا 
المحامى صباح الخير يا أستاذ زين أنا آسف أنه
اتصلت فى الوقت ده بس فى حاجة مهمة  
استمع زين بترقب حاجة إيه
المحامى وصلنى من محامى المدام راية أنها بدأت
إجراءات قضية خلع هترفعها عليك!
رواية اضيئى عالمي الفصل الواحد والعشرون 
بارت 21
توقف زين پصدمة أنت بتقول إيه
تنحنح المحامى بتوتر ده والله اللى وصلنى وقولت
ادي حضرتك خبر علطول 
قال پغضب طب أقفل أنت دلوقتى  
أغلق الهاتف ف اقتربت منه ڼارا وهى تسأله بقلق فى حاجة يا زين
تنفس بحدة قائلا راية رفعت عليا قضية خلع 
رفعت حاجبيها والله والقطة طلع لها مخالب 
ثم عقدت حاجبيها وهى تسأله بريبة وبعدين وأنت مضايق ليه مش المفروض أصلا تكون مطلقها
قبل ما هى تعمل حاجة زي كدة
زفر پغضب وذهب و ڼارا تنظر له بشك  
كانت راية تجلس مع والدة زين قبل أن تذهب للعمل
و تتأكد من إعطائها الدواء 
راية وهى تعطيها كوب الماء مع الدواء أتفضلي يا ماما 
والدة زين بحب شكرا يا حبيبتى 
نهضت راية وهى تحمل حقيبتها أنا راحة الشغل دلوقتى
وإن شاء الله هحاول أرجع بدرى علشان نبدأ نخطط
لفرح سارة  
ابتسمت والدة زين تمام يا حبيبتى بس بسرعة علشان
ممكن نخرج نشترى حاجات 
فى تلك الأثناء دلف زين وهو غاضب بشدة 
وقف أمام راية متحدثا پغضب أنت إزاي تجرؤ ترفعي
عليا قضية خلع
شهقت والدته بذهول بينما نظرت له راية ببرود عادى
يا زين هى دى محتاجة جرأة
قال بغيظ راية متستفزنيش ليه تعملي كدة
راية بعدم إهتمام والله الموضوع بسيط جدا حضرتك
مش راضى تطلقني وأنا عايزة أطلق بالبساطة دى
وكل حاجة فى صالحى يبقى مش هاخد أكتر من جلسة واحدة 
لوح بيده أمام وجهها من شدة العصبية وأنا مش عايز أطلق يا راية ومش هطلقك 
قالت بحدة والله فى الموضوع ده القرار ميرجعش
ليك يرجع ليا أنا أنت مين أصلا علشان تقرر
تعجب من سؤالها وقال بإستنكار أنا جوزك!
ضحكت بسخرية و رددت جوزى والله ضحكتني دلوقتى افتكرت أنك جوزى بأمارة إيه أن شاء الله لما اتجوزت
عليا وسيبتني هنا ولا حتى كنت بتسأل عليا ولا إبنك
إبنك اللى متعرفش عنه حاجة أصلا!
تصدق يا زين أنا كنت نسيت أنه أنا متجوزة لحد ما شوفتك أمبارح تانى دلوقتى بقا متجيش تعمل نفسك جوزى 
كان على وشك الرد عليها بحدة حين صړخت والدته
بصوت ضعيف زين 
انتبهوا لها عندما سقطت على الأريكة تمسك بقلبها 
أسرعوا إليها پخوف راية پخوف ماما مالك
زين بړعب ماما جاوبيني حاسة بأيه
نظرت راية لزين أنا هروح أجيب الشنطة بتاعتي 
أسرعت تحضر حقيبتها الطبية و تفحصها زين أطلب
الإسعاف وضعها صعب لازم تنتقل للمستشفى بسرعة 
أتصل بالاسعاف التى جاءت ونقلتها بسرعة إلى المستشفى 
اتصلت بها سارة مرات عمى فين يا راية مش بترد عليا
ومفيش حد فى البيت 
قالت راية بحزن إحنا فى المستشفى هى تعبت شوية
وجيبناها هنا 
سارة بفزع إيه طب أنا جاية حالا 
وقفوا ينتظروا إنتهاء الطبيب من الفحص ومنعت راية
من المشاركة بحكم أنها من الأقارب حتى لا تتأثر وتقصر
فى عملها ك طبيبة 
بعد قليل أتت سارة مع خطيبها و سند 
وقفت أمامها قالت پخوف إيه الأخبار
راية لسة مطلعوش من جوا 
خرج الطبيب فى تلك اللحظة ف أسرعوا إليه 
زين پخوف مالها ماما يا دكتور
الطبيب واضح أنه كان فى حاجة مزعلاها وضغط عليها
من مدة طويلة وده خلى الضغط بتاعها عالى جدا
كمان قلبها حالته مش كويسة و نفسيتها سيئة ياريت تاخدوا بالكم منها كويس 
ولجوا إلى غرفتها ليركض زين إليها ويمسك يدها 
زين بقلق ماما عاملة إيه دلوقتى
تحدثت بتعب سيبونا أنا و راية لوحدنا 
جلست راية أمامها بعد مغادرة الكل  
بدأت